Uit die Dagboek van 'n Wildeboer - GETEKEN / SIGNED

Groen linneband met die titel in swart op voorkant en rugkant. 160 bladsye. 'n Foto van Luitenant Lombaard as frontstuk. Geteken deur die skrywer voorin, nogal in Engels. Te Wheatlands, Gutu, Suid-Rhodesie.  1-11-1938.

Inhoud: Beleg van Mafeking, Brandfort, Sandrivier, Vetrivier, Retiefsnek, Kommandonek na Nelspruit, geveg op Rooibult, Dewetsdorp verower, Sprinkaannek, Rapportryers, by Generaal Smuts, Generaal De la Rey en Lord Methuen.

Hierdie kopie in mooi toestand, maar met 'n kol of twee op die voorblad. Naam van vorige eienaar op voorste teenblad. Geen datum van uitgawe of plek word vermeld nie.

Lombard was lank in diens van die Rhodesia Spoorwegmaatskappy en het eers in gevorderde ouderdom hierdie boek se skryfwerk voltooi. Hy het vanaf die uitbreek van die Tweede Vryheidsoorlog gebeure geboekstaaf.